Uncategorized

#JEC Part 28

                              শেঁতা পৰি গৈছে গোটেইজনী। ঠিয় হৈ থাকিব নাইপৰা। চিৰিটোত বহি দিছে। দৌৰ মাৰি গৈ সাৱটি ধৰিলো। কান্দিবও পৰা নাই বেচেৰীয়ে।মোৰ ফালে চাই কিবা কিবি বিৰবিৰাই আছে। একো বুজি পোৱা নাই। এই সময়ত মই কি কৰিব লাগে নাজানো, মাত্ৰ তাইক ধৰি আছো।কিমান সময় পাৰ হল নাজানো।
:ভিতৰলৈ বল নিশা।
:মই কি কৰিম এতিয়া আসু?
ভয় খাইছে তাই, বুজি পাইছো। মোৰো বহুত ভয় লাগিছে, কিন্তু তাইক মই দেখুৱাই দিব নোৱাৰোঁ। জোৰ কৰি তাইক ভিতৰলৈ আনিলো। ড্ৰয়িংৰুমত বহি সকলোয়ে মোৰ জন্মদিনৰ মিঠাই খাইছে। মই সোমাই যোৱাৰ লগে লগে বৰ্মাই মোৰ মুখতো জোৰ কৰি এটা গুজি দিলে। মই তলকিবই নোৱাৰিলোঁ।
কেনেকৈ বুজাওঁ মই?
জন্মদিনৰ সুখত সুখী হোৱাৰ অৱকাশ অাৰু নাই।
বহুত কিবাকিবি হেৰাই থাকিল। ঘূৰাই পাম নে নেপাম নাজানো।
:বহা আকৌ নিশা, মিঠাই খুৱাই নাইচোন।
মায়ে তাইক প্ৰায় টানি নিয়াদি নিলে।পায়সৰ বাতিটো হাতত লৈ মা অাৰু দেউতাৰ মাজত বহিছে তাই। অাৰু কিমান অভিনয় কৰিব এই ছোৱালীজনীয়ে। হাঁহিব পৰা নাই যদিও এবাৰলৈও কন্দাও নাই । সকলোৰে হাঁহিৰ খিলখিলনিৰ মাজত গোপনে কথা পাতিছো অামি। আৰু নোৱাৰোঁ।
:মা, নিশাৰ ভাগৰ লাগিছে চাগে, বল মোৰ ৰুমত অলপ শুই লবি।
কোনোবাই কিবা কোৱাৰ আগতেই তাইক লৈ আনিলো মোৰ ৰূমলৈ।দৰজাখন বন্ধ কৰি দিলো। ঠেলি নিয়াদি নি বিচনা খনত বহাই দিলো।
:কিবা এটা ক নিশা।
:মই বদনাম হৈ গলো আসু , কবলৈ কিবা বাকী অাছে জানো?
:তেনেকৈ কেলে কৈছ?
:সি মোক কৈছিল, এনেকুৱা কিবা কৰি দিম বুলি, মই ভাবিছিলো মোক ভয় খুৱাবলৈ কৰিছে,সদায় ব্লেকমেইল কৰে, পাপাৰ পৰা লৈ বহুত পইচা দিলো এতিয়ালৈকে।লাষ্ট টাইম ফোন কৰোতে বহুত বেছিকে বিচাৰিছিল, মই নিদিওঁ বুলি কলো, সেইকাৰণে এনেকুৱা কৰিলে।
:তই ইমানদিনে লুকুৱাই থৈছিলি কিয়? পাপাক কৈ চাব পাৰিলিহেঁতেন।
:সব তোৰ নিচিনা লাকি নহয়, তোৰ নিচিনাকৈ মই সব কথা পেৰেন্টছক কব নোৱাৰোঁ।
কিন্তু কিয়?
আচৰিত নহয় নে কথাবোৰ?
সকলোতকৈ আপোন মানুহবোৰৰ আগত অামি আমাৰ দুৰ্বলতাবোৰ উদঙাই দিৱলৈ ইমান ভয় কৰোঁ কিয়?
উপহাস কৰিবলৈ এখন ডাঙৰ পৃথিবী থাকেই, কিন্তু অলপ মৰম দি সঠিক পথ দেখুৱাবলৈ এখন সৰু পৃথিৱীৰ সকলোকে প্ৰয়োজন নহয় জানো?
ৰাজীয়ে মেছেজ কৰিছে, কিছুমান স্ক্ৰীণশ্চট। নিশাৰ বিষয়ে টুলুঙা মন্তব্য দিবলৈ যেন এক অঘোষিত প্ৰতিযোগিতাহে আৰম্ভ হৈছে। কেনোবাই তাইৰ মাকৰ কথাও টানি আনিছে। এজনী ছোৱালীক সামাজিক ভাৱে অপদস্থ কৰা হৈছে, অাৰু এচামে তাত আসুৰিক আনন্দ লাভ কৰিছে। মেছেজটো ডিলিট কৰি দিলো।
:নিশা, এইবোৰ সচাঁ নে মিছা মই নাজানো, অাৰু তোক সুধিবও নিবিছাৰো, কিন্তু মই মা দেউতাৰ পৰা লুকুৱাব নোৱাৰিম।
:প্লিজ নকবি, মোৰ কথা কি বুলি ভাবিব। অাৰু তোক যদি মোৰ লগত থাকিব নিদিয়ে? মই আকৌ বহুত lonely হৈ যাম।please don’t do this to me.
:বিশ্বাস ৰাখ নিশা, মায়ে বুজি পাব মই জানো।
দৰজাখন খুলি ওলাই আহিলো, বৰমাহঁত ইতিমধ্যে ঘৰলৈ গল। মাক ৰুমলৈ মাতি আনিলো। কিবা এটা অঘটন হৈছে বুলি গম পাইছে মায়ে। এবাৰ মোৰফালে এবাৰ নিশাৰ ফালে চালে। অামি এজনীয়েও একো কব পৰা নাই।
:জিউ, কিবা কবি?
নিশাই এতিয়া কিবা কব পৰা অবস্থাত নাই। মইয়ে কব লাগিব।
বহুত সাহস কৰি কথাখিনি কলো। বুকুখন পাতল লাগিল। মায়ে একো কোৱা নাই।
ইমান চিন্তাত কোনোদিনেই দেখা নাছিলো মাক।
:তোমাৰ ভূল হোৱা নাই বুলি মই নকওঁ, তুমি কথাবোৰ তোমাৰ দেউতাক জনাব লাগিছিল। ইয়াৰ পিছৰখিনি অামি ডাঙৰে কৰিম। অলপ জিৰাই লোৱা।
জিউ, দেউতাৰৰ লগত কথা পাতি কি কৰিব লাগে চাঁও, তেতিয়ালৈকে তহঁতে একো কৰিব নালাগে। তোমাৰ দেউতাৰ নম্বৰটো দিয়া নিশা।
:প্লিজ আন্টি, পাপাক নকব। মই বহুত লাজ পাম।
:মইয়ে হও বা তোমাৰ দেউতাৰাই হওক, অামি সকলোৱে এইটো বয়স পাৰ কৰি আহিছো নিশা। কেতিয়াবা কিছুমান ভূল হৈ যায়। বুজি পাব তোমাৰ দেউতাই। হয়তো তোমাক খং কৰিব, কিন্তু লুকুৱাই ৰাখিলে তুমি জানো শান্তিত থাকিব পাৰিবা?
মাৰ কথাত নিশা অলপ শান্ত হল। গাৰু এটা অাৰু পাতল কম্বল এখন দি তাইক শুবলৈ দিলো, মূৰৰ শিতানতে বহি চুলি কেইদাল মোহাৰি আছো। বহুত কিবাকিবি কৰিব মন গৈছে, কিন্তু  ইয়াতকৈ  বেছি মই একো কৰিব নোৱাৰোঁ।
মা অাৰু দেউতাই কথাবোৰ আলোচনা কৰি নিশাৰ দেউতাকক মাতি পঠিওৱাৰ সিদ্ধান্ত ললে।
প্ৰায় তিনি ঘণ্টা মানৰ মূৰত তেখেত আহিল। আহিয়েই নিশাক উদ্দেশ্যি অকথ্য গালি গালাজ, মাৰিবলৈকে খেদি গৈছিল। কাহানিও দেখি নোপোৱা কিছুমান আচৰণ। দেউতাই বহুত বুজাই বঢ়াই শান্ত কৰিলে। কিন্তু তেখেতৰ মতে নিশাক যি লাগে তাকেই কিনি দিছে, চাকৰে নাকৰে আল পৈচান ধৰা মানুহো গোটাই দিছে, তাৰ পাছতো তাই এনেকুৱা কিয় কৰিব।
:টকা পইচা বা সা সুবিধা দিলেই দায়িত্ব শেষ হয় জানো। আপুনি তাইক সময় দিছেনে?
এইবাৰ মাৰ খং উঠা যেন লাগিল। নিশা অাৰু মই তেতিয়াও ড্ৰয়িংৰুমৰ চুক এটাত
ৰৈ আছো। ইমানখিনিৰ পিছতো এটোপাল চকুপানী টোকা নাই তাই।
:চাওক, মোৰ reputation বহুত বেয়া হৈ যাব, গতিকে এইক মই এতিয়া ঘৰলৈ নিব নোৱাৰিম, অলপ দিন ইয়াতে থাকক, কাপোৰ কানি মই লৈয়ে আনিছো। অলপ দিন পাছত এনেও সবেই পাহৰি যাব। Then she can come.
কিমান সহজতে কৈ দিলে কথাষাৰ। ইমান ঠুনুকা হব পাৰেনে বান্ধোন?
নিশা কিন্তু নিৰ্বিকাৰ, তাই যেন আগতেই জানিছিল সকলোবোৰ।
মা দেউতাই বহুত বুজাবলৈ চেষ্টা কৰিলে কিন্তু তেখেতে দেউতাকহে ওলোটাই অপমান কৰিলে। নিশাৰ বেগটো গাড়ীৰ পৰা নমাই একো নোকোৱা কৈয়ে গুচি গল।
অভিশপ্ত এটা দিন!!
জন্মদিনৰ শুভকামনাবোৰ যেন ঘূৰাই দিম সকলোকে।
মায়ে সন্ধিয়াৰ চাকি বন্তি জ্বলাই ঘৰতে আৰতি কৰিছে , পূজাথলীলৈ যোৱাৰ ইচ্ছা কাৰোৰে নাই। বৰমাই বাৰে বাৰে সোধাত নিশাৰ গা বেয়া বুলি কলো।
মৌনতাৰ মাজতেই সময়বোৰ পাৰ হৈছে। মায়ে জোৰ কৰিলতো নিশা ভাত খাবলৈ ওলাই নাহিল। দৰজাখন লাহেকে খুলি চালো, গাৰুটোৰ তুলাবোৰ উলিয়াই সিঁচি পেলাইছে, তাইৰ ফোনটো দুটুকুৰা হৈ তলত পৰি আছে। গালত আঙুলিৰ চিন স্পষ্ট।
হাঁহিৰে জগত জিনা ছোৱালীজনীৰ অাজি নিজৰ ওপৰত ঘিণ উপজিছে, নিজৰ গালত নিজেই চৰিয়াইছে।
হাঁয় সময়!!!!
:জিউ, অাজি তই অকলে শুবি। নিশা মোৰ লগত শুব।
কেনেকে বুজি পায় সকলোবোৰ এই মানুহজনীয়ে ?
মোৰ মা।
সাৱটি ধৰিলো, মোৰ দৰে মা সকলোকে কিয় নিদিলা নমো???
নিশাক বুকুত সাবটি মায়ে বুজাইছে কিবাকিবি, এইবাৰ তাই কান্দিছে, চিঞৰি চিঞৰি, উশাহ বন্ধ হৈ যোৱাকৈ।নাকান্দিবি বুলি নকওঁ, দুখবোৰ পানী হৈ ওলাই আহিছে। বৈ যাওক। দৰজাখন লাহেকৈ জপাই মাৰ বিচনালৈ আহিলো।
জুৰুলা কৰা এটা দিন।
বিষময়।
তেওঁৰ কথাও ভাবিলো এবাৰ, কি ভাবি আঁতৰি গল এনেদৰে?
ফোনটো বাজিছে, অৰ্ণৱৰ ফোন।
:নিশা ঠিকে আছেনে?
তেওঁ কেনেকে গম পালে?
:আপুনি কেনেকে গম পালে?
:ভাইৰেল হৈছে, সবেই পাইছে almost. I don’t have Facebook but Utpal has.
সি কলে। fake হয়। photoshop কৰিছে। তাইক ষ্ট্ৰেচ লব মানা কৰিবা। শুই থাকা এতিয়া। নিশাৰ care লবা।
:আপুনি ঠিকে আছেনে? অথনি..
:I don’t want to discuss anything. Good night.
কাটি দিলে ফোনটো।
ভাগৰি পৰিছো ময়ো।
নিবিছাৰো একো উত্তৰ। তেওঁ যেনেকৈ সুখী তেনেকৈয়ে থাকক।
নিশাৰ কান্দোনৰ শব্দ বন্ধ হল। মাৰ বুকুৰ উমে সকলো দুখ পাহৰাব পাৰে।
গাৰুটোত মূৰ গুজি চকুকেইটা জপাই দিলো।
আগলৈ….
If you want to be notified as soon as the next post released, follow me in Facebook
Advertisements

88 thoughts on “#JEC Part 28

    1. Ajir dnot ghoti thoka ghotonau add kori dse thnq baa… bohut kiba njona kothau xikabo amak #JEC ye thnq for that… ru xei xari tu j bhabile asthai “maar bukur ume xokolu dukh pahorabo pare” lakh guna true line. But unfortunately mor xei bhagya nuhua hoi gol…..

      Liked by 1 person

  1. Khub bhal lagil part 28. Indranee ba, apuni j hodai notun notun twist loi aane aru suspense aeta d thoi Nijor likhonir majere, eitu aanok amoni krileo mur kintu bhl lgise. Opekha Kori porhi reu pokha kora jai agoloi ki hbo pare. Bastob jibonot Nixa’k support kora Astha suwali joni Pam janu? Hosake, friendship anekua huwa usit. Nojonake houk ba kiba jni buji bhule korok, hei bipodor homoiyot jodi mentally support kora aame friend ajoni kakhot pao, homaje putou korileo agbarhi jboloi pari. Aamar homajot, anekua Astha’r dore true friend + Astha’r dore parents’or khub dorkar.
    Ai ghotona, prai suwalir logote hoi thake homajot. Viral Hoi jai, ketyaba kunoby suicide kri dye bodnam huwar lajot. Kintu suwali Hoi aan ajoni suwalir photo viral huwat, hei aame suwali buro agvaag Lou. Naiba, njr frn joni emn Bea Kam krise buli atori ahu. Aame hokoluwe ei likhonir pora bohut ktha xikibo paru. Jibur aame janu kintu, ktyba jni buji ameo karubk support nkru.

    Liked by 1 person

  2. Rati 2.30am or pra 6.30 am or loike guteikita khondo pohilu. Bht dhuniya lagil. Kali gom palu. So kali a pohi hekh krilu. Assam ot thka hoi hoi2 agotei pohilu hoi. Kin2 delhit thaku babe gom pua2 olp deri hoi. Tate facebook tenekoi solua nhoi. Holeu gom pai jetia pohilu bht val lagil. Ata xomoyot sokur paniu ulai goisil. Indranee baa thanks alot for this lovly love story. And i also waiting for the next parts.

    Liked by 1 person

  3. Kitap ba golpo pohi val nupua ata lorai aji 1st time apuni likha kahani tu aapluto hoisu….khub val lgse….. kindly kahani tut Jodi Arnab n Astha r biya hoi dn biya r pisor kahani khini u olp likhibo…..

    Liked by 1 person

  4. Baa, please 29th part tu upload korok…. Ratitu kunumote paar koru…iman agrohere baat sai thaku…. Please please please 29th part tu xunkale upload korok 😥😥

    Liked by 2 people

  5. Baa xosakooi imn dhuniya Prem kahini………. Hridoy Sui goise…. Majote hahu majote Kandu.,…
    Imn j xundor kahani…. Xosakoi baa love u…. Xodai roi thaku ktya j next part pribo pmm buli…. Bare bare check kri thku….. Baa plss 29 chptr tu joldi diok…. Apekha kri asu.,….

    Liked by 1 person

  6. Aitu ata xosakoi hridaysporkhi prem kahini….bahut val lagise podhi…nijoke JEC r part jen anubhav hoi…..jen moi astha nisha rajee utpal arnav ai aaitaibur character r nisei usorot….please baki thoka part keitau xunkale upliad kori diba…ba,aitu baru real kahinir uporot adharito neki.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s