Uncategorized

#JEC Part 30

Previous: #JEC Part 29
:You can’t ignore me like this Astha.
উফ্।
তেওঁৰ এনেকুৱা আচৰণত সদায় দুৰ্বল হৈ যাওঁ, কিন্তু অাজি কিয় জানো খং এটা উঠি আহিল। কিছুমান প্ৰশ্নৰ উত্তৰ অাজি মোক লাগিব। ভাগৰি পৰিছো মই আপেক্ষা কৰি কৰি।কলাৰত থকা হাতৰ মুঠিটো অাৰু টান হৈ গল।
:কিয়? কিয় নোৱাৰিম মই আপোনাক ইগনৰ কৰিব?
:Because I won’t let it happen damn it.
হাতৰ চেপাটো অাৰু টান কৰি দিলে। দুখ পাইছো কিন্তু কন্দা নাই। নিশা ইতিমধ্যে আঁতৰি গৈছে, ঠাইডোখৰ অলপ আন্ধাৰ। ভয় লাগিছে, বহুত বেছি, কিন্তু তেওঁক দেখুৱাব নোৱাৰোঁ ।মনটো অাজি এনেও ভাল নহয়, তাতে তেওঁৰ এই অদ্ভুত জেদবোৰে পাগল কৰিছে মোক। সেইদিনা হঠাৎ তেনেকৈ গুচি অহিল, এবাৰো নজনালে কিয়। নিশাৰ খবৰ লবলৈ কৰা ফোনটোৰ পিছত ঘৰত থকা দিনকেইটাত ফোন মেছেজ একো নাই। মোৰো খং উঠি আছে তেওঁৰ ওপৰত, বহুত বেছি খং।
:কি বিচাৰে আপুনি?
:DON’T ACT INNOCENT ASTHA, YOU KNOW IT VERY WELL. I WANT YOU!
কিমান সহজ তেওঁৰ বাবে সকলোবোৰ। অাজি মন গল কৈ দিলে মই তোমাক বিচাৰো, কিন্তু মই জানো কাইলৈ তেওঁৰ খং অাৰু জেদৰ আগত এইবোৰ সব মিছা হৈ যাব।
যদি মোক ইমানেই বেছি ভালপায়, মুখ ফুটাই কবও পাৰিব লাগিব।
বুজি পাব লাগিব তেওঁ নিজৰ মনৰ অনুভূতিবোৰ, শিকিব লাগিব মৰম কি? কব পাৰিব লাগিব তেওঁ মোক কিয় বিচাৰে?
:কিন্তু মই আপোনাক নিবিছাৰো। মোৰ ভাল নালাগে আপোনাক। কিয় বুজি নাপায় আপুনি?
হঠাৎ ঢিলাই দিলে তেওঁ খামুচি থকা হাতখন। ক্ষীণ পোহৰত দেখিছো জুই হৈ ওলাই অহা অভিমানবোৰ।
:Say it again, say you don’t love me.
মনে মনে আছো। এনেকৈ কম বুলিও ভবা নাছিলো, কিন্তু বহুত কিবাকিবি কৈ দিলো। এতিয়া অাৰু ঘূৰাই আনিব নোৱাৰোঁ তেওঁক আঘাত কৰা শব্দবোৰ।
কি হৈ গল এইয়া?
:Look into my eyes and say those damn words Astha.
:….
:মই যাওঁ।
:নিদিওঁ যাবলৈ।
:কিয়?
:because I want my answer.
:একো নাই কবলৈ।
:Really, you think I will believe whatever you said?
বুকুৰ ভিতৰত এজাক নতুন ধুমুহা।
ভাঙি থৈ যাব মোক সেয়া মই জানো।
হাৰি গৈছো বাৰে বাৰে।
কিয় নুবুজে মানুহবোৰে?
এই জটিল পৃথিবীত মোৰ নতুন খোজ।
কাক চম্ভালিম মই?
নিশাক, অৰ্ণৱক নে নতুনকৈ ডাঙৰ হবলৈ শিকা আস্থা জনীক?
তেওঁৰ ফালে চালো, সেই একেই অস্থিৰ, অসহায় চকুজুৰি। মোৰ ওচৰত বাৰে বাৰে হাৰি যাব খুজা এই মানুহজন কেতিয়া বুজি পাম মই?
:আপুনি কিয় এনেকুৱা? পাগল হৈ যাম মই এনেকে। প্লিজ মোক যাবলৈ দিয়ক।
চকুপানী ৰখাব পৰা নাই মই।
এইবাৰহে তেওঁ বেছি আঘাত হোৱা যেন লাগিল। একো নাইকোৱা । হাতখন এৰি দিছে।
আচৰিত হলো! এবাৰ হাতখনলৈ আৰু এবাৰ তেওঁৰ ফাললৈ চালো।
:যোৱা।
:কি?
:Yes you can leave after this.
জানিছিলো, চুলিখিনি খুলি দিব। ক্লিপডাল হাতত লৈ আঁতৰি গল তেওঁ।
উভটি খোজ ললো ৰূমলৈ বুলি।
ভাল লগা নাই অাজি একোৱেই।
গেটৰ সন্মুখ পায় এবাৰ ঘূৰি চালো। নাই। তেওঁ গুচি গল।
:ইমান দেৰি কত আছিলি?
:এইখিনিতে আছিলো।
:অৰ্ণৱ দাই কিবা কলে?
:নাই।
:কেলে কান্দিছিলি তেনেহলে?
:চকুত কিবা সোমাইছিলে। তই নিজে আগতে কাপোৰ সলা। মই ধূপ জ্বলাই লওঁ।
নিশাৰ প্ৰশ্নৰ একো উত্তৰ নাই মোৰ ওচৰত। বাথৰূমত সোমাই যিমান পাৰো চকুত পানী মাৰিছো। এই চকুপানীবোৰ কেতিয়া শুকাব নেজানো। ভৰি হাত ধুই ধূপ এডাল জ্বলালো। মালৈ ফোন কৰিবলৈ সাহস নাই এতিয়া। মোৰ অস্থিৰতাৰ উমান পাবলৈ মাক এক ছেকেণ্ড সময় নালাগে। পঢ়া টেবুলত বহিছো। মন কিন্তু বহা নাই কতো।
:আস্থা, অাজিও পঢ়িবি ?
:আৰু কি কৰিম নহলে, তইতো আজিকালি কথাই নাপাত।
: ইয়ালে আহ।
নিশাৰ কথাটো শেষেই নহল, একেজাপে তাইৰ বিচনা পালোগৈ। একেটা গাৰুতে মূৰ থৈ দুইজনী পৰি আছো।
:কি হল ক এতিয়া।
বেচেৰীৰ এতিয়াও মোলৈ হে চিন্তা। নিজৰ দুখবোৰ যেন অলপ দেৰিৰ কাৰণে আঁতৰাই ৰাখিছে তাই। অৰ্ণৱৰ লগত হোৱা গোটেইবোৰ কথাই কলো তাইক।
:তই অৰ্ণৱ দাক কিয় ভাল পাৱ আস্থা? মইতো ভাবিছিলো তই অংকুৰক হে accept কৰিবি। মানে সি অলপ তোৰ টাইপৰ ন। অৰ্ণৱ দাৰ complete opposite.
:ময়ো তেনেকৈ ভাবিছিলো আগতে।
:আগতে মানে? এতিয়া নাভাব?
:ওহোঁ। অৰ্ণৱ অাৰু অংকুৰৰ তুলনা নহয়।
:definitely,. Arnab da বেছি handsome.
:চেহেৰাৰ কথা কোৱা নাই মই, কেতিয়াবা ধুনিয়া চেহেৰাৰ আঁৰতো বৰ কুৎসিৎ মন এটা লুকাই থাকে । অংকুৰ দেখিবলৈ ভাল নে বেয়া সেয়া মই ভবা নাই কেতিয়াও।কিন্তু সি মোক ভালপাওঁ বুলি কয়, মোৰ নীলা চকুৰ কথা কৈ শায়েৰী লিখি message দিয়ে, মোৰ দীঘল চুলি লৈ কবিতা লিখে। আৰু সেই একেটা অংকুৰে লগৰ লৰাৰ আগত কয় মোৰ পিছত সি এইটো কাৰণে লাগি আছে কাৰণ ‘বেহেনজী’ টাইপবোৰ সোনকালে ফচে।
:তয়ো শুনিছিলি সেইদিনা কেন্টিনত?
:মই কলা বুলি ভাবিছ নেকি?
:তই বেয়া পাবি বুলি নকলো। পিছত ৰাজী অাৰু মই গৈ ঠিকছে বকিলো সেইডালক। ৰাজীয়ে টো মাৰিবই লৈছিল, আমাৰ আস্থাৰ কথা বেয়াকে কেলে কবি বুলি। য’চ তো এনেও বেছি ন ডাবাংগৰ।
ৰাজীৰ নতুন নাম। LADY DABBANG.
:সেইতো কথাও জানো।
:আচ্ছা, অংকুৰক কিয় বেয়া লাগে সেইতো গম পালো, এতিয়া ক অৰ্ণৱ দাক কিয় ভাল লাগে?
:অৰ্ণৱক প্ৰথম প্ৰথম বহুত বেয়া লাগিছিল। ইমান খঙাল মানুহ মই বেয়া পাওঁ। কিন্তু এতিয়া ভাৱোঁ তেওঁ খঙাল হব পাৰে কিন্ত কৃত্ৰিম নহয়। তেওঁৰ কিছুমান কথা মোৰ ভাল লাগে। এই যে চিৰিটোত উঠি যাওঁতে কোনোবা ছোৱালী আহিলে আঁতৰি দিয়ে, মোক কোনোবাই কলেজত কিবা কব বুলি মোৰপৰা আঁতৰি থাকে, কানু দাৰ লগত নতুন মবাইলত ফটো উঠাই, বাইদেউৰ অসুবিধা হয় বুলি চিলিণ্ডাৰ তো অট খনৰ পৰা নিজে নমাই আনে, … এনেকুৱা অাৰু বহুত সৰু সৰু কথা মই ভাল পাওঁ নিশা। মইয়ো জানো মই বহুত গাৱলীয়া, সুজাতাৰ ভাষাত  ভেৰ গঞা, তহঁতি জনা বেছিভাগ কথাই নাজানো, কিন্তু তেওঁ চোন মোক তেনেকেই ভাল পাইছে। বুৰ্বকৰ নিচিনাকে সেইদিনা যে ছিগা চেণ্ডেল যোৰ হাতত লৈ খালী ভৰিৰে আহি আছিলো, মোক দেখি তেওঁ লাজ পোৱা বা আচৰিত হোৱাৰ দৰে নালাগিলচোন।
:বাহ্ পোৱালি ইমান ডাঙৰ ডাঙৰ কথা কৈছ যে অাজি। আৰু কি কি ভাল লাগে ক না।
:অাৰু বহুত কিবাকিবি ভাল লাগে মোৰ। কিন্ত বেয়া লগা তাতোকৈ বেছি।
:তেতিয়াহলে কৈ দে অৰ্ণৱ দাক।
:মই কিয় কম? তেওঁ চোন তেনেকুৱা একো কোৱা নাই এতিয়াও।
:তহঁতি দুইটা এনেকেই বুঢ়া হবি, মৰিবিও চাগে।
:আস্থা। এইফালে আহ।
প্ৰিয়ংকা বাৰ মাত শুনি উঠি গলো।
:অথনি তেনেকে সোধা কাৰণে বেয়া পালি নেকি?
:নহয় মানে..
:চা, আমি ভাবিছিলো যে নিশাৰ লগত এতিয়া অামি কোনোবা ডাঙৰ এজনী থাকিলে ভাল হব, অলপ দিন তেতিয়া তই আমাৰ ৰুমত থাকিলি হেঁতেন। কিন্তু তই পাৰিবি তাইক চম্ভালিব। আামাৰ পোৱালি জেং ন। বল এতিয়া ভাত খাবলৈ। মাতি দে সবকে।
মনটো বেয়া লাগি গল। বাক এনেই ভূল বুজিলো। খঙত ভূল শুদ্ধ বিচাৰ কৰাৰ ক্ষমতা হেৰাই যায়। তেওঁৰ লগতো চাগে সেয়াই হল। ফোন কৰি কম, নহয় সুধিম।
হয়তো বহুতো কথা পাতিম আজি!
… আগলৈ
If you want to be notified as soon as the next post released, follow me in Facebook
Advertisements

79 thoughts on “#JEC Part 30

  1. আস্হা আৰু অৰ্ণৱৰ প্ৰেম কাহিনী গোটেই part কেইটা পঢ়ি পঢ়ি এনেকোৱা লাগিছে যেন এটা সীমাহীন প্ৰেমৰ এটি চুটি গল্প । নিস্তব্ধ ৰাতি বিচাৰি ফুৰা এটি সুন্দৰ জোনাক ।

    Like

  2. Too good,too existing,too lovely,too….
    Kahini tur apunar real life r logot kiba related neki ☺️ jonabo sun
    Thanks a lot,anekua ata kahini upohar diar karone

    Like

  3. Apuniu Aji kali Arnabye Asthak jaluwar nisina K amak ata episode pohi dudin rokhai bor jolaise pai 😁😀 just joking. Don’t take it seriously. But kindly write next episode early plz plz plz Ba 🙏🙏🙏🙏🙏

    Like

  4. Dhuniya story. Birat bhal lagise porhi . Part 31 ketiya available hobo jonale bhal asil. Nohole wait kori thaki napale hotaax huwa jai.

    Like

  5. Pohi bohut vl lgise…lgte story2 adha mur lgt milise..clgr poha tnkua nhoi actualy kin2 mur bf tnkua khli khng emn khng nhoi moi buji npau ki bisare mur pra..but aji 5 yrs hl atia h tr kotha bur buji pua hoisu..agote moiu confuse hou ki bisare mur pra buli..khngt ki koi kre nijei njne hi atiau jane ne..tothapiu agtke kmise olp moi bujuar pra..

    Like

  6. get some life people.. this is just a story..which is doesn’t exist in real life..
    eta avastabik kahinir logot enekoi uti bhhahi gole ki hobo.. practical life t ahaa..eikhon prithibi beleg..kam kori jabo lage aru aagbarhi jabo lage..
    but the writing is awesome & outstanding..we should appreciate the writer for her writing..not the characters..kahini hoii..pohi moza lua aru ulai jua..senti hoi uri furibo nalage

    Like

  7. Ankur or kotha khini mani lobo aloo taan lagise. Jodi Ankur tenekua lora hol hoi khi tuition kori thoka homoi te taik prem or jal ot fosai lole hoi. Ru jodi khi tenekua lora hol hoi tetiya hole College ot taik Arnab ot koi o besi disturb dile hoi. Anytime taik follow kori thakile hoi. Khi kunu din tair hatot dhora nai, kunu din tair sulit dhora nai. Tente kenekoi mani lom Ankur ok Arnab ot koi beya lora buli. Actually Ankur hotor nisina lorai sualik prem r naam t ketiya o harakhasti nokore.

    Like

  8. লেখিকালৈ অনুৰোধ ,প্ৰেম উপন্যাসিকা খনৰ এটি মধুৰ আৰু সফল পৰিসমাপ্তি ঘটাই।সমাপ্তিত যাতে তেখেতে অভি – নীল কাণ্ডৰ
    দৰে কোনো অঘটন নঘটাই যেন।

    Like

  9. … No doubt Writing is good …yet I think it’s getting a little dramatic. …
    A light romantic story… Just… if a bit realistic shade is added to the characters… it will be great….

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s